SAFAR E MERAJ KE BAAZ MUSHAHEDAAT
Meraj
ke safar me Rasoolullah sallallahu alaihi wasallam ne bhot si cheezen
dekhin jo Hadees aur Shurooh e Hadees me
jagah jagah muntashir hain. Imam Baihaqi ne DALAILUL NABUWWAH jild 2 me aur Hafez Noor uddin Haithmi rah ne
Majmua zawaid jild 1 me aur Allama Muhammad Bin Suleman Al MAghribi ne Jamul
Fawaid jild 3 me aur Hafez Ibne Kaseer rah ne apni Tafseer me aur Allama Ibne
Hishaam ne apni Seerat me jama kiya hai.
Aalam e
Alwi me jo cheezen mulaheza farmayi , riwayaat e saabiqa me unme se bhot zikr
kardi gayi hain, ab Aalam e Suflaa ke baaz mushahedaat zail me likhe jate hain.
1)
HAZRAT MOOSA ALAIHIS SALAM KO QABAR
ME NAMAZ PADHTE HUE DEKHNA
Hazrat Anas Razi Allahu anhu se
Riwayat hai Rasoolullah sallallahu alaihi wasallam ne bayan farmya ke Jis Raat
mujhe Sair karai gayi Mai Moosa alaihi salaam par guzra wo Apni QABAR me NAMAZ
padh rahe the. (SAHEEH MUSLIM JILD 2 SAFHA 268)
2)
AISE LOGON PAR GUZARNA JIN KE HONT QAINCHIYO
SE KAATE JARAHE THE
Hazrat Anas razi Allahu anhu se ye
bhi Riwayat hai ke Rasoolullah sallallahu alaihi wasallam ne Irshad farmaya ke
“Jis
raat mujhe Sair karai gayi us raat me, Maine kuch logo lo dekha jin ke Hont AAG
ki Qainchiyon se Kaate jarahe hain, Maine Jibraeel alaihis salaam se
daryaft kiya ke ye kaun log hain? Unho ne jawab diya ke ye Ap sallallahu alaihi
wasallam ki UMMAT ke KHATEEB hain jo logon ko BHALAI ka hukum dete hain
aur Apni Jaano ko bhool jaate hain. Aur ek Riwayat me yun hai ke Ap sallallahu
alaihi wasallam ki Ummat ke KHATEEB hain jo wo Baaten kehte hain jin par wo
Khud Aamil nahi, aur Allah ki Kitab padhte hain aur Amal nahi karte”
(MISHKAATUL
MASABEEH SAFHA 438)
3) KUCH LOG APNE
SEENON KO NAAKHUNON SE CHEEL RAHE THE
Hazrat Ansa Razi Allahu anhu se
Riwayat hai ke Rasoolullah sallallahu alaihi wasallam ne Irshad farmaya ke Jis
raat mujhe Meraj karai gayi mai aise Logon par guzra jin ke taambey ke
Naakhun the wo Apne Chehron aur Seenon ko cheel rahe the,
Maine kaha ke Aye Jibrael ! ye kaun log
hain? Unho ne jawab diya ke wo log hain jo Logon ke Gosht Khaate the (
yani unki GHEEBAT karte hain) aur
unki Be Aabrui karne me pade rehte hain.
(ABU DAWOOD, MISHKAT 429)
4)Sood Khoron ki Bad Haali:
Hazrat
Abu Hurairah Razi Allahu anhu se Riwayat hai keh Rasoolullah sallallahu alaihi
wasallam ne Irshad farmaya keh jis raat Mujhe sair karayi gayi mai aise logon
par guzra jin ke pet itne bade bade the ( jaise insano ke rehne ke ) ghar hote
hain un me saamp the jo baher se unke peton me Nazar aarahe the. Maine kaha keh
Aye Jibraeel! Ye kaun log hain unho ne kaha ye sood khane wale hain.(Mishkaatul
Masabeeh safha 246)
5)Farishton ka Pachna lagane ke
liye Takeed karna
Hazrat Abdullah Bin
Masood Razi Allahu anhu se Riwayat hai keh Rasoolullah sallallahu alaihi
wasallam ne Meraj ke safar me pesh aane wali jo baaten bayan farmayin un me ek
ye baat bhi thi keh Ap farishton ki jis Jamat par bhi guzre , un ho ne kaha keh
Ap sallallahu alaihi wasallam apni Ummat ko Hajamat yani pachne lagane ka Hukum
dijye.
(Mishkatul masabeeh
Safha 138 az Tirmizi o Ibne Majah)
Arab me Pachne
lagane ka bhot riwaaj tha, us se zaaid Khoon aur Faasid Khoon Nikal jata hai,
blood pressure ka marz jo aam hogaya hai us ka bhot acha ilaaj hai, logon ne
use bilkul hi chord diya hai, Rasoolullah sallallahu alaihi wasallam apne sar
me aur apne mondon ke darmiyan pachna lagwate the(hawala e baala)
